პრიმერა დივიზიონის 36-ე ტურში, მადრიდის "რეალი," ბილბაოს "ატლეტიკთან" ეცდება ტიტულის გაფორმებას.გთავაზობთ, Goal.com-ის მიერ შედგენილ პრევიუს.

როგორ მოსალოდნელია, მარსელო ბიელსა მადრიდელების წინააღმდეგ, ოპტიმალურ შემადგენლობას გამოიყვანს მწვანე მინდორზე.განსხვავებით "სარაგოსასთან" დაპირისპირებისა, "ბლანკოსის" წინააღმდეგ, სასტარტოში გამოვლენ: მუნიანი, მარტინესი, სუსაეტა და ლორენტე.ბასკებს დაუბრუნდებათ, აურტენეჩე, რომელმაც ერთმატჩიანი დისკვალიფიკაცია მოიხადა.
აღსანიშნავია ის გარემოებაც, რომ ბიელსა ზიზედ ორ საყრდენ ნახევამრცველს მოისაკლისებს.იტურასპეს და ერერას ყვითელი ბარათების სიმრავლის გამო მოუწევთ უქმობა.

რაც შეეხება მადრიდელთა ბანაკს, საბედნიეროდ, კლუბის ლაზარეთი თავისუფალია.ერთადერთი დანაკლისი გახლავთ ანხელ დი მარია.ამ უკანასკნელისთვის "სევილიასთან" მიღებული "ტარხეტა ამარილა" მე-5 გამოდგა სეზონში.

სავარაუდო შემადგენლობები:
"ატლეტიკი": ირაისოსი; ირაოლა, ხ. მარტინესი, ამორებიეტა, აურტენეჩე; პერესი, დე მარკოსი; სუსაეტა, მუნიანი, იბაი; ლორენტე.
"რეალი:" კასილიასი; არბელოა, პეპე, რამოსი, კოენტრაუ; ხედირა, ალონსო; კალიეხონი, იოზილი, რონალდუ; ბენზემა.

მატჩის პერსონები:
"ატლეტიკი:" - ფერნანდო ლორენტე [ბასკი გოლეადორის ანგარიშზე 30 შეხვედრაში 16 გოლია.27 წლის თავდამსხმელი მადრიდელების კარის აღებას ამჯერადაც შეეცდება].
"რეალი:" - კრიშტიანუ რონალდუ [პორტუგალიელი გოლეადორი "ელ პიჩიჩისთვის" ბრძოლაში უკან დახევას არ აპირებს.ის მესისთან ერთად 43 გოლით იყოფს საუკეთესო ბომბარდირის წოდებას].