სამეფო კლუბის ყოფილმა ფეხბურთელმა, რომელიც ამჟამად "რეალის" ერთ-ერთი ასაკობრივი გუნდის მწვრთნელია, დასძინა, რომ მისი სურვილია პრიმერა დივიზიონში დაბრუნება, ოღონდ უკვე დამრიგებლის რანგში.

"ძალიან მინდა ბავშვებს გადავცე ის, რაც მოთამაშეობის დროს ვისწავლე.სწორედ აღნიშნული ფაქტი, სტიმულს მმატებს და ძველებურად მიზანსწრაფულს მხდის."

"როდესაც ფეხბურთელის კარიერა დავასრულე, ბევრს ვფიქრობდი, დამეწყო თუ არა სამწვრთნელო საქმიანობა.საბედნიეროდ, ახალი პროფესია ძალზედ შემიყვარდა და დიდი მონდომებით ვასრულებ დაკისრებულ მოვალეობებს.რა თქმა უნდა, სწავლის პროცესში ვარ.ჩემი მიზანია, წარმატების მიღწევა და ელიტაში შესვლა."

"მადრიდელები ახლოს არიან ტიტულთამ.გასულ სეზონში მოვიპოვეთ თასი, თუმცა წლევანდელი გაცილებით მნიშვნელოვანი იქნება ყველანაირი თვალსაზრისით."

"რასაკვირველია, მოურინიოს შესაძლებლობებით ბევრი კლუბია დაინტერესებული.მისგან ძალიან ბევრის სწავლა შეიძლება.რამდენჯერმე დავესწარი პირველი გუნდის ვარჯიშს."

"რაული ყოველთვის სამაგალითო ფეხბურთელი და ადამიანი იყო.გერმანიაში მხოლოდ 2 წელი გამოდიოდა, თუმცა ადგილობრივებს ძალზედ შეაყვარა თავი.შეიძლება ითქვას, რომ საკუთარი კვალი იქაც დატოვა.მიხარია მისი წარმატებები.დაე, დაბრუნდეს "რეალში," როდესაც ექნება შესაძლებლობა და სურვილი.აქ მისი სახლია."

შეგახსენებთ, რომ რუბენ დე ლა რედმა, რამდენიმე წლის წინ, გულის დაავადების გამო ჩამოკიდა ბუცები ლურსმანზე.