მიმდინარე სეზონში, მოურინიოს "რეალი" არა ერთ რეკორდს ამყარებს.

პრიმერა დივიზიონის დასრულებამდე 4 ტურია დარჩენილი.მაშასადამე, მადრიდისტებს კიდევ აქვთ შანსი, ჩაებღაუჭონ ახალ მიღწევებს.

გასულ კვირას, "ნოუ კამპზე" შემდგარი ტრიუმფი, მადრიდელებისათვის 28-ე გამოდგა სეზონში.ლა ლიგის ერთ საფეხბურთო წელს ყველაზე მეტი მოგება ერთდროულად "ბარსელონას" და "რეალს" აქვთ - 31-31 (2009/2010).შესაბამისად, თუ "თეთრები" 4-ვე შეხვედრას მოიგებენ, ახალ რეკორდს დაუდებენ დასაბამს.

"განსაკუთრებულის" ფორმაციის "ბლანკოსს," აქვს შესაძლობა, გახდეს გუნდი, რომელმაც ყველაზე მეტი გამარჯვება მოიპოვა სტუმრად ჩატარებულ შეხვედრებში.ამ ეტაპზე, ერთ სეზონში სტუმრად მოგებული მატჩების საუკეთესო მაჩვენებლი 14-ია ("რეალი" და "ბარსელონა").აქედან გამომდინარე, "ატკლეტიკთან" ან "გრანადასთან" გასვლით დაპირისპირებაში 3 ქულის აღება, მადრიდისთვის ახალი მიღწევა იქნება.

და ბოლოს, დარჩენილ ოთხივე თამაშში, წარმატების მიღწევის შემთხვევაში, "რეალს" დაუგროვდება 100 ქულა, რაც უპრეცედენტო მაჩვენებლი იქნება.