გთავაზობთ, კასტილიელების კომენტარებს, რომლებიც მათ ჩემპიონობის მოპოვების შემდეგ გააკეთეს.

ალვარო მორატა (ფოტოზე): "ვერ აგიღწერთ ემოციებს, რომელიც ჩემპიონობის მოპოვების შემდეგ განვიცადე."

"კასტილიამ დაამტკიცა, რომ ამ ეტაპისათვის, მესამე დივიზიონში თანასწორი მეტოქე არ ჰყავს.რა თქმა უნდა, გვინდოდა "ოვიედოს" დამარცხება, თუმცა ვერ მოვახერხეთ.ჩვენი მიზანია სეგუნდა ბ-ში გადასვლა და მაღალი ადგილებისთვის ბრძოლა."

ხესე: "მიმდინარე სეზონი წარმატებული გამოდგა ჩვენთვის.რასაკვირველია, მნიშვნელოვანი და სიხარულის მომტანია, როდესაც 7 ქლიანი პაუზის შემდეგ, გუნდი ჩემპიონი ხდება."

"ფლეი-ოფის მომავალი 2 მატჩი, საფეხბურთო წლის კულმინაცია იქნება.ბუნებრივია, ძალისხმევას არ დავიშურებთ, რათა რანგით მეორე დივიზიონში ვიასპარეზოთ."

ხუანფრანი: "მადლობა მინდა გადავუხადო თანაგუნდელებს, სამწვრთნელო შტაბსა და ქომაგებს.რომ არა მათი მხარდაჭერა, გუნდი ტიტულს ვერ მოიპოვებდა."

პაბლო გილი: "მთელი სეზონის განმავლობაში, ვიბრძოდით ჩემპიონობისათვის.ფლეი-ოფის თამაშები ადვილი არ იქნება, მაგრამ ყველაფერს გავაკეთებთ, რათა გულშემატკივრების იმედები არ გავაწბილოთ."

იხილეთ ვიდეო, სადაც კასტილიელების ემოციებია გადმოცემული: