რელანო : "რეალს ბაიერნთან გაუჭირდება"
ალფრედო რელანომ, მადრიდის "რეალზე" ისაუბრა და ბარსელონელებთან გამარჯვება მიულოცა...
"მინდა ყველა მადრიდელს მივულოცო "ელ კლასიკოში" წარმატების მიღწევა, ეს მათთვის ძალიან საჭირო იყო, რადგან 3 ქულის მოპოვებით "რეალმა" ჩემპიონობა 90% -ით გაინაღდა, რაც თავისთავად ძალიან კარგია."
"ესპანური სუპერ დაპირისპირების შემდეგ, მადრიდელებს მიუნხენელებთან მოუწევთ ურთიერთობის გარკვევა, ყველაფერი სასწორზე დევს და ბერნაბეუზე გადაწყდება, ფავორიტად ნამდვილად "ბლანკოსს" მივიჩნევ, რადგან ამ სტადიონზე "თეთრები" იშვიათად გამოდიან წარუმატებლად, მათთვის საშინაო კედლები ბევრს ნიშნავს."
"დარწმუნებული ვარ მოურინიო თავიდანვე შეტევას არ დაიწყებს და გუნდი სქემატურად მიჰყვება მატჩის მიმდინარეობას, პორტუგალიელი ფრთხილი მწვრთნელია, მაგრამ მართებულად მიმაჩნია, რომ დედაქალაქელებმა საკუთარ სტადიონზე სწრაფი გოლის გატანა სცადონ და ანგარიშის თვითონ წაიყვანონ, თუკი ბაიერნმა პირველი წუთები გადააგორა, მაშინ მადრიდელებს ძალიან გაუჭირდებათ, რადგან გერმანელების მებრძოლი სულის შესახებ ყველაფერი ცნობილია."
"იმედს გამოვთქვამ სანახაობრივი თამაში იქნება და მსაჯიც ნაკლებად გამოჩნდება, რამდენიმე დღეში ძალიან საინტერესო მატჩს ვიხილავთ."
- 23 აპრილი 2012
- 3 243
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
