გთავაზობთ, მსოფლიო წამყვანი გამოცემების სტატიებიდან ამონარიდებს.

Sport (ესპანური, კატალონიური გამოცემა): მშვიდობით ლა ლიგა
"რეალთან" დამარცხებით, "ბარსელონამ" შვებულება აიღო ესპანეთში.მოურინიოს შეგირდებმა 7 ქულიანი ჰანდიკაპი დააგროვეს.ტურნირის დასრულებამდე 4 ტურია, თუმცა სხვაობის აღმოფხვრა შეუძლებელია.

Mundo Deportivo (ესპანეთი): "ბარსელონა" პრიმერას ემშვიდობება
სამეფო კლუბმა "ნოუ კამპზე" მოპოვებული გამარჯვებით, 7 ქულიან სხვაობას მოუყარა თავი.მადრიდელებს ჩემპიონობამდე მხოლოდ ფორმალობა აშორებთ.კატალონიელთა წაგებას, სათავე ხედირამ დაუდო.შემდეგ იყო სანჩესის გოლი, მაგრამ რონალდუმ თავისი სიტყვა თქვა!

Gazzetta dello Sport (იტალია): როგორც იქნა, "ნოუ კამპზე" "ბარსა" დამარცხდა
კრიშტიანუ რონალდუს 73-ე წუთზე გატანილმა გოლმა, ჩემპიონატის ბედი გადაწყვიტა.4 ტურით ადრე "რეალს" 7 ქულიანი სხვაობა აქვს, თუმცა მისი დაძლევა არავის შეუძლია.

Corrire della Sera (იტალია): მოურინიო ტიტულით ხელშია
ხედირასა და რონალდუს გოლებმა, მადრიდს 7 ქულიანი ჰანდიკაპი მოუტანა.

OLE (არგენტინა): მოდით შევხედოთ სიმართლეს თვალებში
ამჯერად, მესისა და რონალდუს დუელი, პორტუგალიელის სასარგებლოდ დამთავრდა.ამ უკანასკნელმა გამარჯვების გოლი გაიტანა, რითიც ჩემპიონატს ინტრიგა დაუკარგა.

Clarín (არგენტინა): "რეალმა" გაიმარჯვა "ნოუ კამპზე" და ტიტულიც მოიპოვა
ჩემპიონატის დასრულებამდე 4 ტურით ადრე, "რეალის" ხელთ 7 ქულიანი სხვაობაა გვარდიოლას გუნდთან.ფაქტია, რომ მადრიდელებს ჩემპიონობაში ვერავინ შეეცილება.რაც შეეხება მესის, მან თამაში ჩააგდო.

Record (პორტუგალია): მშვიდი რონალდუ
კრიშტიანუ რონალდუს გოლის წყალობით, "რეალსა" და "ბარსელონას" შორის 7 ქულიანი სხვაობაა!

The Sun (დიდი ბრიტანეთი): მოუს სიხარული "ნოუ"-ზე
კრიშტიანუ რონალდუმ სკეპტიკოსები გააჩუმა.სამეფო კლუბმა მნიშვნელოვანი გამარჯვება მოიპოვა.ეს იყო მოურინიოს პირველი მოგება "ბარსასთან," მადრიდის თავკაცის რანგში.

El Nuevo Herald (აშშ): "რეალმა" 1-2 მოიგო და ჩემპიონატს ინტრიგა მოუკლა
ხედირასა და რონალდუს გოლებმა ტიტულის ბედი გადაწყვიტეს.