როგორც მოსალოდნელი იყო, კატალონიური გუნდის თავკაცმა, თამაშის შემდეგ ფარ-ხმალი დაყარა.მიუხედავად იმისა, რომ პრიმერა დივიზიონის დასრულებამდე 4 ტურია დარჩენილი და ჯერ კიდევ 12 ქულაა გასათამაშებელი, გვარდიოლამ მადრიდისტებს ლა ლიგის მოგება მიულოცა.

"უწინარეს ყოვლისა, სამეფო კლუბს მინდა მივულოცო ჩვენთან გამარჯვება და ჩემპიონატის მოგება.ჩემს შეგირდებს ვერაფერში გავაკრიტიკებ.მათ დაამტკიცეს, რომ ნებისმიერ დროს ბრძოლა შეუძლიათ."

"გუნდი მადრიდელების კონტრ-შეტევებს კარგად უმკლავდებოდა, თუმცა ჩვენმა ოპონენტმა გოლის გასატანად ბევრი შესაძლებლობა შექმნა.საბოლოოდ, ისინი უფრო წარმატებული გამოდგნენ, გოლის გატანის საკითხში."

"მრცხვენია ქომაგების წინაშე, მაგრამ თავს იმით ვიმშვიდებ, რომ ისინი განვლილ 4 წელს გაახედავენ და გვაპატიებენ."