სამეფო კლუბის დამრიგებელს, რიკარდო კაკას შესაძლებლობები ბოლო 2 მატჩი არ გამოუყენებია ("სპორტინგთან" და "ბაიერნთან").

ბრაზილიელმა მადრიდულ დერბი დაიწყო სასტარტო შემადგენლობაში, თუმცა მოურინიომ შესვენებაზე შეცვალა ის.გამოცემა "ას"-ში ვარაუდობენ, რომ სამხრეთ ამერიკელი ნახევარმცველი "ელ კლასიკოზე" საწყისი წუთებიდან ჩაერთვება საქმეში.არარის გამორიცხული კაკასა და იოზილის ტანდემი მივიღოთ, რა შემთხვევაშიც, ანხელ დი მარიას მოუწევს სათადარიგოზე ყოფნა.

ნიშანდობლივია, რომ წლეულს, მესუთისა და რიკარდოს დუეტი 12-ჯერ გამოჩნდა მწვანე მინდორზე.აქედან "რეალმა" 10-ჯერ მოიგო და 2-ჯერ ყაიმი გააგორა.სწორედ აღნიშნული ფეხბურთელები ირჯებოდნენ სამეფო თასის განმეორებით მატჩში "ნოუ კამპზე."მოგეხსენებათ, თუ როგორი მწვავე და საინტერესო თამაშის შემოგვთავაზეს მაშინ მადრიდისტებმა.

ჩემი აზრით, ურიგო არ იქნება ნახევარდაცვის ხაზში გერმანულ-ბრაზილიური ტანდემის ხილვა.რაც შეეხება დი მარიას, ის ტრავმის მოშუშების შემდეგ სათანადო ფორმაში არარის, ასე რომ უმჯობესია მეორე ტაიმში ჩაერთოს საქმეში, თამაშის გასამწვავებლად.