მადრიდის "რეალმა" სულ მიმდინარე ლიგის გათამაშებაზე 6 ბურთი მიიღო საკუთარ კარში, აქედან 5 "ბერნაბეუზე" და მხოლოდ ერთი გასვლაზე, კერძოდ "ლუჟნიკებზე" "ცსკა"-ს წინააღმდეგ. ამ 6 ბურთიდან ორ-ორის გატანა მოახერხეს ზაგრების "დინამომ", ნიქოზიის "აპოელმა" და მოსკოვის "ცსკა"-მ. რაც შეეხებათ სხვა ნახევარფინალისტებს. "ბარსელონამ" და "ბაიერნმა" საკუთარ კარში 7-7 ბურთი მიიღეს. "ბლაუგრანამ" 3 შინ, 4 გასვლაზე, ხოლო მიუნხენელებმა პირიქით. "ჩელსიმ" კი 9 გოლი გაუშვა. არისტოკრატები შინ ბრწყინვალე გამოიყურებიან, რაც გაშვებულ ორ გოლშიც გამოიხატება, სამაგიეროდ სუსტად თამაშობენ გასვლაზე - 7 მიღებული ბურთი.