ბაიერნის შემტევმა დუეტმა, არიენ რობენმა და ფრენკ რიბერიმ ხვალინდელ შეხვედრაზე ისაუბრეს...

რობენი

"თანაგუნდელებს კიდევ ერთხელ შევხვდები, მადრიდში არაერთი მეგობარი მყავს და თითქმის მთელ გუნდს ვიცნობ, მე იქ რამდენიმე წელიწადი გავატარე და უქმად არასდროს ვყოფილვარ, ყოველთვის ბოლომდე ვიხარჯებოდი სამეფო კლუბისთვის, მაგრამ ახლა ბაიერნის ღირსებას ვიცავ და ყველაფერს გავაკეთებ გერმანული გუნდის წარმატებისთვის, რადგან "ბლანკოსიდან" წამოსვლის შემდეგ აქ სულ სხვა ატმოსფერო დამხვდა, რომელმაც გამაბედნიერა და კმაყოფილი დამტოვა."

"დარწმუნებული ვარ ურთულესი ბრძოლა გველის, მაგრამ ნამდვილად შეგვიძლია სტუმრების დამარცხება, მთავარია მაქსიმალურად მოვინდომოთ და ჩვენი გულშემატკივრები სახლებში კმაყოფილნი გავუშვათ, გუნდის მთავარი მიზანი სწორედ ეს გახლავთ."

რიბერი

"ბოლო წლებში ესპანურ გრანდებთან შეხვედრა ხშირად გვიწევს, გავიხსენოთ ბარსელონასთან დაპირისპირებები, უნდა ვაღიაროთ, რომ კატალონიელებმა დაგვჩაგრეს და დამსახურებულად გავიდნენ მომდევნო ეტაპზე, მაგრამ ახლა სხვა დროა, თუ ფინალში გავალთ და "ბლაუგრანას" შევხვდებით, დავამტკიცებთ, რომ ნებისმიერი მეტოქის დამარცხება შეგვიძლია."

"პირველი შეხვედრა ალიანს არენაზე იმართება, ამიტომ ჟოზეს გუნდთან მოგება აუცილებელია, თუკი გამარჯვება ვერ მოვახერთხეთ, ბერნაბეუზე ძალიან გაგვიჭირდება, რადგან მადრიდში ფავორიტი მხოლოდ ადგილობრივი კლუბია."

"მაქსიმალურად უნდა გამოვიყენოთ ფანების მხარდაჭერა და ყველაფერი გავაკეთოთ გასამარჯვებლად."