კარლეს პუიოლმა განაცხადა, რომ მის გუნდს არ ეშინია 4 ქულიანი ჰანდიკაპის, მაგრამ კარგად აცნობიერებს, რომ ყველა შეხვედრის არ მოგების შემთხვევაში "ბლაუგრანას" ჩემპიონობა არ შეეძლება...

"ცოტა ხნის წინ ვერავინ წარმოიდგენდა, რომ რეალის ჩემპიონობა ეჭვქვეშ დადგებოდა, მაგრამ ფარხმალი არ დაგვიყრია და ბოლომდე ვიბრძოლეთ, ამ ეტაპზე სხვაობა 4 ქულაა, მაგრამ ეს არ გვაძლევს ჩემპიონობის გარანტიას. ყველა დარჩენილი შეხვედრის მოგება გვმართებს, რადგან სხვა შემთხვევაში ტიტულის მოგებაზე ოცნებაც კი ზედმეტია. ნოუ კამპზე "რეალის" არ დამარცხება დედაქალაქელთა ჩემპიონობას ნიშნავს, რადგან ფრის შემთხვევაშიც ჟოზეს გუნდი იქნება პრივილეგირებული."

"კალენდარი "რეალთან" შედარებით იოლი გვაქვს, მაგრამ დარწმუნებული ვარ "ბლანკოსი" მომდევნო თამაშებს განსაკუთრებული მონდომებით გამართავს და ყველანაირად ეცდება, რომ 100%-იანი შედეგი აჩვენოს."

"ჩემი აზრით ყველაფერი ნოუ კამპზე გადაწყდება, თუკი გავიმარჯვებთ ძალიან დიდ ნაბიჯს გადავდგამთ ჩემპიონობისკენ, ფრე და წაგება არანაირად არ გვაძლევს ხელს, რადგან ფაქტიურად ვკარგავთ ჩემპიონობას."