ესპანელმა საფეხბურთო ექსპერტმა ხუან სანჩესმა ანხელ დი მარიაზე ისაუბრა.

"არგენტინელი მოთამაშე სამეფო კლუბისთვის, რომ გამოსადეგარია, ამაზე ლაპარაკით თავს ნამდვილად არ შეგაწყენთ, მაგრამ ფაქტია, წლევანდელ სეზონს ჟოზე ფაქტიურად მის გარეშე ატარებს. ანხელმა ძალიან ბევრი გამოტოვა, მუდმივი ტრავმიანობა მის თამაშს რა თქმა უნდა დაასვამს დაღს."

"საბედნიეროდ ახალგაზრდა შემტევი ამჟამად ფორმაშია და გუნდის დახმარება შეუძლია. "რეალს" ახლა ყველაზე რთული ეპოქა უდგას, რადგან როგორც ლა ლიგაში, ასევე ჩემპიონთა ლიგაშიც ურთულესი კალენდარი აქვს, ორ ფრონტზე ბრძოლა არც ისე იოლია."

"ანხელის როლი მომდევნო თამაშებში უდიდესი იქნება, იქიდან გამომდინარე, რომ იგი სხვა მოთამაშეებთან შედარებით დასვენებულია და მეტი ენერგია აქვს. სეზონი უკვე დასასრულს უახლოვდება და ფეხბურთელები გადაღლილები არიან, ისინი ნამდვილად ვერ იქნებიან ისეთი ენერგიულები, როგორიც თუნდაც დი მარია გახლავთ."

"მიუხედავად იმისა, რომ სამეფო კლუბს გრძელი სათადარიგოთა სკამი აქვს, პრობლემები ნელ-ნელა მაინც იჩენს თავს, ვინაიდან ჟოზე მოურინიო ხშირ როტაციებს არ მიმართავს და ძირითადი შემადგენლობა მეტ შემთხვევაში უცვლელია."