სამეფო კლუბის ექს მცველმა, ივან ელგერამ განაცხადა, რომ ჟოზე მოურინიოს გუნდს ჩემპიონობა გაუჭირდება, ამიტომ მერენგებმა ბოლომდე უნდა დახარჯონ ძალები.

"გუნდს უმაღლესი კლასის მოთამაშეები ჰყავს,რომელთაც ნებისმიერ სიტუაციაში შეუძლიათ მეტოქის კარის აღება, ჟოზემ ყველა რესურსი უნდა გამოიყენოს იმისთვის, რომ საწადელს მიაღწიოს და გუნდმა სეზონი ტიტულით დაასრულოს."

"ბლანკოსი ორ ფრონტზე იბრძვის, რაც საქმეს კიდევ უფრო მეტად ართულებს. გუნდი ორივე ჩემპიონატზე ფავორიტია და ყველაფერს აკეთებს გამარჯვებისთვის. მიუნხენის ბაიერნთან დაპირისპირება იოლი ნამდვილად არ იქნება, ამასთანავე გასათვალისწინებელია "კლასიკო", რომელიც უდიდეს ენერგიას მოითხოვს. მადრიდელებს ჩემპიონობა ორივე ფრონტზე გაუჭირდებათ, მაგრამ თუ მოინდომეს, შესაძლოა ინჩასებს უდიდესი სიხარული აჩუქონ."