ხოსე მანუელ დიასის შეგირდები ბრწყინვალე სეზონს ატარებენ "ტერკერა" დივიზიონში. აღსანიშნავია, რომ "თეთრები" პირველ პოზიციას იკავებენ ცხრილში. გარდა უშუალოდ სატურნირო ცხრილის ლიდერობისა, ისინი სხვადასხვა ასპექტებში არიან პირველნი. მათ 20 გუნდს შორის ყველაზე მეტი - 57 გოლი აქვთ გატანილი და ყველაზე ნაკლები - 26 აქვთ მიღებული საკუთარ კარში. ცხადია, თავდასხმის ხაზი ქების ღირსია, თუმცა მათ წარმატებაში უდიდესი წვლილი, მეკარე ფერნანდო პაჩეკოსაც მიუძღვის. ახალგაზრდა კიპერი მართლაც, რომ ბრწყინვალე ფორმაშია და ამაზე 31 მატჩში 26 გაშვებული გოლიც მოწმობს. პაჩეკო ზამორას ჯილდოსთან ძალიან ახლოსაა და ძნელად წარმოსადგენია, რომ მისი მოგება ვერ მოახერხოს.