მადრიდის "ატლეტიკოს" ლიდერებმა, მოახლოვებულ დერბიზე საკუთარი აზრი დააფიქსირეს.

რადამელ ფალკაო: "რა თქმა უნდა, ძალიან გამიხარდება დერბიში გოლის გატანა.აღნიშნულ დაპირისპირებაში ვინც თავს იჩენს, შემდეგ ისტორიაში შედის, თუმცა მთავარია გამარჯვება და არა ის, თუ ვინ შეყრის ბურთებს."

"თანაქალაქელებთან შეხვედრაზე ფიქრის დროს, მოგების გარდა სხვა შედეგს არ განვიხილავთ.საკუთარ სტადიონზე 3 ქულის აღება შეგვიძლია."

"სამეფო კლუბში ძლიერი კოლექტივია.ისინი გამოირჩევიან მაღალი დონის ინდივიდუალური ოსტატობით."

დიეგო: "ჩვენ ჩემოიონატის საუკეთესო გუნდს შევერკინებით.ვფიქრობ, "რეალი" არარის დაუმარცხებელი.ქომაგები შეტევისკენ მოგვიწოდებენ და რასაკვირველია, მათ მხარს ავუბამთ."

"ატლეტიკოს" ბოლო წლებში არ გამოსდის ასპარეზობა "ბლანკოსთან," თუმცა ამას ყურადღებას არ ვაქცევთ."