"ბლანკოსის" ყოფილმა მწვრთნელმა, შუსტერმა კომენტარი გააკეთა მოახლოვებულ ჩემპიონთა ლიგის მატჩზე, სადაც ერთმანეთს "რეალი" და "ბაიერნი" დაუპირისპირდებიან.

შუსტერის აზრით, წელს მადრიდელები უფრო მაღალ დონეზე არიან ვიდრე გერმანელები. გერმანელის თქმით, რეალის დაცვის ხაზი უფრო შთამბეჭდავია ვიდრე მეტოქის.

"ორივე გუნდმა ადვილად მიაღწიეს ნახევარ ფინალამდე, ახლა ისინი ერთმანეთს შეხვდებიან. ვგონებ, მადრიდელები უფრო ძლიერები არიან ამ დროისთვის. მათ ჰყავთ ბრწყინვალე მწვრთნელი."

"ორივე გუნდში მაღალი დონის ფეხბურთელები თამაშობენ. ჩემი აზრით, ნახევარდაცვა და თავდასხმა თანაბარი ძალების არიან ორივე გუნდში.ხოლო რაც შეეხება მეკარეებს კასილასი და ნოიერი დღესდღეობით მსოფლიოში საუკეთესონი არიან."

"ვფიქრობ, მიუნხენელებმა დიდი ყურადღება ალონსოს უნდა მიაქციონ, რადგან ის აკავშირებს თავდასხმას და დაცვას ერთმანეთთან.ესპანელი გუნდის საკვანძო ფიგურაა.მსგავს როლს წითლებში ტონი კროოსი ასრულებს. ჩემი აზრით ალონსოს თამაშიდან გამოთიშვა უფრო ხელსაყრელი იქნება გერმანელებისთის ვიდრე ოზილის."