როგორც იცით, ჩემპიონთა ლიგის ნახევარ ფინალში, მადრიდის "რეალი" და მიუნხენის "ბაიერნი" გაარკვევენ ერთ-ერთი ფინალისტის ვინაობას.პირველი მატჩი 17 აპრილს შედგება "ალიანს არენაზე," ხოლო განმეორებითი დუელი 25 აპრილს გაიმართება "სანტიაგო ბერნაბეუზე."

ნიშანდობლივია, რომ აღნიშნული დაპირისპირება ევროპის "კლასიკოდ" არის მონათლული.ევროპის ყველაზე პრესტიჟულ ტურნირზე, 18-ჯერ დაუპირისპირდნენ ერთმანეთს ესპანურ-გერმანული გუნდები, რაც ურთიერთშეხვედრების ერთგვარი რეკორდიცაა.

გამომდინარე განვლილი დაპირისპირებების შედეგებიდან, რომელიმე გუნდის ჰეგემონიაზე ზედმეტი იქნება საუბარი.მადრიდელების და მიუნხენელების ჯახი, ყოველთვის დაძაბული და სანახაობრივი იყო.

მაშასადამე, გთავაზობთ 18 შეხვედრის მოკლე მიმოხილვას:

1975-1976 წ.წ. - პირველი შეხვედრა გუნდებს შორის, სწორედ აღნიშნული წლების სეზონში შედგა."თეთრებმა" შინაურ კედლებში 1-1 დააფიქსირეს, ხოლო სტუმრად მიულერის დუბლის წყალობით, "წითლებმა" მოიპოვეს მომდევნო ეტაპის საგზური.

1986-197 წ.წ. - მიუნხენში ჩასული "რეალს," ადგილობრივემა 4-1 ძლიეს.აღნიშნული მატჩი ყველასათვის კარგად არის ცნობილი, ხუანიტოს ჩხუბის (მათეუს როდესაც გაუსწორდა) გამო.მადრიდელებმა 9 ფეხბურთელით დაასრულეს ის პაექრობა და შედეგიც სახეზეა.სამწუხაროდ, მომდევნო დუელში, მხოლოდ პარდესამ შეძლო თავის გამოჩენა და შესაბამისად, მადრიდისტებიც ტურნირს გარეთ დარჩნენ.

1987-1988 წ.წ. - მომდევნო წელს, შემდეგი ეტაპზე თამაში მადრიდელებს ერგოთ.მათ ჯერ 3-2 დათმეს გერმანიაში, ხოლო შინ 2 უპასუხო გოლი შეუგდეს მეტოქე (იანკოვიჩ & მიჩელი).

1999-2000 წ.წ. - აღნიშნულ სეზონში, მადრიდულ-მიუნხენური ორთაბრძოლა 4-ჯერ შედგა.ჯერ იყოდა "რეალმა" 2-4 "ბერნაბეუზე," ხოლო შემდეგ 4-1 წაგოო სტუმრად, ხოლო შემდეგ 2-0 იმარჯვა ესპანეთში და 1-2 წააგო გერმანიაში.ამრიგად, მომდევნო ეტაპის საგზური მაინც "ბლანკოსს" დარჩა.

2000-2001 წ.წ. - ამჯერადაც ნახევარ ფინალში მოუწიათ კლუბებს შერკინება."ბერნაბეუზე" ელბერის გასროლას ბავარიელთა მინიმალური ანგარიშით გამარჯვება მოყვა, ხოლო გერმანიაშიც მასპინძლებმა იმარჯვეს (2-1) და მოიპოვეს ფინალში თამაშის უფლება.

2001-2002 წ.წ. - სტუმრად 2-1 წაგების შემდეგ, გადაჭედილი "ბერნაბეუ" ელოდებოდა მოწინააღმდეგეს."თეთრებმა" ელგიერასა და გუტის გოლებით დაამწუხრეს "წითლები."

2003-2004 წ.წ. - ალბათ, გახსოვთ ამ სეზონის პირველი დაპირისპირება, როდესაც რობერტო კარლოსის გასროლამ ფრე მოუტანა (1-1) სამეფო კლუბს.მეორე მატჩში გადამწყვეტი როლი ზიდანის გოლმა ითამაშა.

2006-2007 წ.წ. - "სანტიაგო ბერნაბეუზე" დაფიქსირებული 3-2, საკმარისი არ აღმოჩნდა მადრიდელთათვის.მათ სტუმრად 2-1 წააგეს და ამგვარად გამოეთიშნენ გათამაშებას.