მადრიდის "რეალმა" დღეს ფინალური ვარჯიში გამართა. გუნდი "ვალდებებასის" საწვრთნელ ბაზაზე შეიკრიბა და ჟოზე მოურინიოს მითითებები კიდევ ერთხელ შეასრულა...

ფეხბურთელები ხვალინდელი შეხვედრისთვის ემზადებიან, რომელიც აპოელთან გაიმართება, პირველი დაპირისპირება 0-3 დასრულდა, თითქოს ყველაფერი ნათელია და გუნდი 1/2 ფინალში იმყოფება, მაგრამ ჯერ კიდევ 90 წუთია სათამაშო და ამიტომ "მერენგები" დიდი მონდომებით ემზადებიან.

ჟოზემ გუნდი 3 ნაწილად გაყო და სხვადასხვა დავალებები მისცა. მთელი კოლექტივი ძირითადად ბურთთან ერთად ვარჯიშობდა და სხვადასხვა დავალებებს ასრულებდა.

შეხვედრა ხვალ, თბილისის დროით 22:45 საათზე, სანტიაგო ბერნაბეუს სახელობის სტადიონზე აიღებს სტარტს.