მაშ ასე, როგორც იცით, 6 წლის წინ სისინიო "სან პაულოდან" "რეალში" გადავიდა. იმ პერიოდში ბრაზილიელი მსოფლიოს ერთ-ერთ ყველაზე პერსპექტიულ ფეხბურთელად ითვლებოდა, თუმცა მან თავისი შესაძლებლობების სრულად წარმოჩენა ვერ შეძლო, ვერც ძირითად შემადგენლობაში მოიკიდა ფეხი და შესაბამისად, ერთი წლის შემდგომ სამეფო კლუბიც დატოვა.

გავიდა 5 წელი და "სან პაულომ" ფიფაში სარჩელი შეიტანა და სისინიოს ტრანსფერთან დაკავშირებით დამატებით 45 000 მოითხოვა. დღესვე გახდა ცნობილი, რომ ფიფასა და ბრაზილიის ფეხბურთის ფედერაციაში უკვე იმსჯელეს ამ საკითხზე, შესაბამისად მათ დადგენილებაც გამოიტანეს - მადრიდის "რეალის" ბრალეულბა დამტკიცდა და სამეფო კლუბს 45 000-ის გადახდა დაეკისრა ბრაზილიური გრანდისთვის...

ცნობისთვის, სისინიომ "რეალში" 26 მატჩი ჩაატარა და ორი გოლის გატანაც მოახერხა. მისი დებიუტი "ატლეტიკის" წინააღმდეგ შედგა. აღსანიშნავია, რომ თავის პირველივე შეხვედრაში მან თავი ორი საგოლე გადაცემით გამოიჩინა. ბრაზილიელი "ლა ლიგის" თასის გამარჯვებულიც გახლავთ...