მოგეხსენებათ, ედინსონ კავანი იტალიის ჩემპიონატში ბრწყინვალე შთაბეჭდილებას ტოვებს, იგი "ნაპოლის" უდავო ლიდერია და გუნდს წინსვლაში ეხმარება. იტალიური გუნდი ჩემპიონთა ლიგის 1/8 ფინალშიც კი გავიდა, სადაც ჩელსისთან დამარცხდა...

ინგლისურ პრესაში გავრცელებული ინფორმაციით, თუკი გონსალო იგუაინი ზაფხულის სატრანსფერო ფანჯრის დროს "ბლანკოსი" რიგებს დატოვებს, გუნდს კავანი შეუერთდება. მოთამაშე გამოირჩევა უნივერსალურობით და მებრძოლი ხასიათით, მსგავსი სტილის ფეხბურთელები კი ჟოზეს ძალიან უყვარს და სწორედ ამიტომ გამოიჩინა ინტერესი მის მიმართ.

იტალიელთა შემტევმა სერია "A"-ში 19 გოლს მოუყარა თავი, მისი პროგრესი თამაშიდან თამაშამდე ხდება თვალნათლივი.

არ სახელდება თანხა, რომელსაც სამეფო კლუბი იტალიურ გუნდთან მოლაპარაკების დროს გაიმეტებს.

ედინსონის შეძენით მადრიდის "რეალის" გარდა, ლონდონის ჩელსი, ლივერპული, მილანის ინტერი და მიუნხენის ბაიერნი ინტერესდებიან. ასე, რომ როგორც ჩანს ზაფხულის სატრანსფერო ფანჯრის დროს "მაფიოზებს" ძალიან გაუჭირდებათ საკუთარი ლიდერის შენარჩუნება.