ხაბი ალონსო ძალიან დაკავებულია, იგი ემზადება სანაკრებო შეხვედრისათვის, მაგრამ ამის მიუხედავად გამონახა დრო და ესაუბრა "Marca"_ს ჟურნალისტებს.

"ყველა მადრიდის "რეალის" ფეხბურთელმა ზედმიწევნით იცის თუ, როგორ უნდა დაუხვდეს კრიტიკას. ყველა წარუმატებელი ან წარმატებული შეხვედრის შემდეგ ჩნდება ფანების და სპეციალისტების კრიტიკა ჩვენს მიმართ, ეს ნორმალურია. ჩვენ საკუთარი თავის მიმართაც ძალიან კრიტიკულები ვართ, რადგან გამოვასწოროთ შეცდომები."

"პელეგრინის მნიშვნელოვანი გეგმები აქვს "ბლანკოსში", მან ზედმიწვნით კარგად იცის, თუ რა უნდა გააკეთოს. ძალიან გვინდა ვაჩვენოთ "თეთრი ბალეტი", მაგრამ ამისათვის დროა საჭირო, ეს ყველაფერი ნელ–ნელა მოხდება. დარწმუნებული ვარ რომ "ვალიადოლიდს" დავამარცხებთ, თან ისე, რომ ლამაზად ვითამაშებთ. სულ ცოტა ხანია რაც ერთად შევიკრიბეთ და ერთად ვთამშობთ, სიურპრიზები გულშემატკივარს ამ სეზონში მრავლად ელის."

"კრიშტიანო რონალდო დიდი დანაკლისია ჩვენთვის, შეტევითი პოტენციალი ცოტათი შეგვერყა. მისი ტრავმა ყველასთვის მოულოდნელი და დამამწუხრებელი იყო."


სტატიის ავტორი: Kevlisha

იმფორმაციის წყარო: Realmadrid.com