ესპანეთის ფეხბურთის ფედერაციამ კალენდარი გამოაქვეყნა, სადაც მადრიდის "რეალის" მომდევნო შეხვედრების განრიგია ასახული.

ჟოზე მოურინიოს შეგირდები ლა ლიგის 31 ტურში, ოსასუნას დაუპირისპირდებიან პამპლონაში. შეხვედრა 31 მარტს 22:00 საათზე გაიმართება.

მომდევნო შეხვედრა "ბლანკოსის" შეგირდებს "ვალენსიასთან" ექნებათ, ამჯერად ისინი საშინაო არენაზე ეცდებიან "ღამურებთან" ურთიერთობის გარკვევას. მატჩი სტარტს 8 აპრილს, 23:30 საათზე აიღებს.

33-ე ტურში დედაქალაქელები თანაქალაქელ მადრიდის "ატლეტიკოს" დაუპირისპირდებიან, ამჯერად მათ სტუმრის სტატუსი ექნებათ. შეხვედრა ვისენტე კალდერონზე, 11 აპრილს, 00:00 საათზე შედგება.

34-ე ტურის მატჩს გუნდი ხიხონის სპორტინგის წინააღმდეგ საშინაო არენაზე გამართავს. შეხვედრა 14 აპრილით არის დათარიღებული, დაწყების დროთ კი 22:00 საათი დადგინდა.