როგორც იცით, "იუვენტუსი" ნელ-ნელა ძველ დიდებას იბრუნებს. "ბებერი ქალბატონი" მიმდინარე სეზონში დიდ მიზნებს ისახავს. გუშინ ტურინელები იტალიის თასის ფინალშიც გავიდნენ. აგრეთვე ისინი პრეტენზიას "სკუდეტოზეც" აცხადაბენ. იტალიურ პრესაში გავრცელდა ინფორმაცია, რომ "იუვენტუსის" მესვეურები გუნდის გაძლიერებას გეგმავენ და მომავალი სეზონისთვის დიდი მწვერვალების დასაპყრობად ემზადებიან.

როგორც ჩანს, მათ გეგმებში პეპეც მოხვდა. La Gazzetta dello Sport-ზე დაყრდნობით ზაფხულის სატრანსფერო ფანჯარაზე ტურინელები პორტუგალიელი მცველის შეძენას შეეცდებიან. ჯერ-ჯერობით არცერთ მხარეს ამ თემასთან დაკავშირებით კომენტარი არ გაუკეთებია და შესაბამისად არც ოფიციალურად დადასტურებულა ტურინელთა მხრიდან შეთავაზება კლეპერის ტრანსფერთან დაკავშირებით.