დიდი ხანია იმაზე მიდის საუბარი, რომ ალექს ფერგიუსონი ზაფხულის სატრანსფერო ფანჯარაზე საყრდენის შეძენას შეეცდება. ევროპულ პრესაში სხვა ფეხბურთელებთან ერთად სამი ხედირას გვარმაც გაიჟღერა. როგორც ცნობილია, მანჩესტერული მხარე სერიოზულად არის დაინტერესებული არაბი ფესვების მქონე გერმანელით.

ამ ინფორმაციის სისწორე ერთმა ფაქტმა დაადასტურა. მადრიდში უკვე რამდენჯერმე იმყოფებოდა ალექს ფერგიუსონის ძმა, მარტინი. კულუარული ინფორმაციით მარტინ ფერგიუსონი ესპანეთის დედაქალაქში სწორედ სამის ტრანსფერთან დაკავშირებით გახლდათ. აქვე გეტყვით იმასაც, რომ იგი ანდალუსიაშიც იმყოფებოდა "ბეტისი"-"რეალის" მატჩზე და "ბერანბეუზე" "მალაგასთან" შეხვედრასაც დაესწრო.

ჯერ ძნელია იმის თქმა, წავა თუ არა ხედირა "მანჩესტერში". ისღა დაგვრჩენია, ზაფხულს დაველოდოთ...