მიუხედავად იმისა, რომ ბოლო ორ შეხვედრაში განხორციელებულ პირველივე ცვლილებებზე, კაკა ტოვებდა მოედანს, მოურინიო ირწმუნება, რომ ბრაზილიელი კვლავ ძირითადში დაიწყებს თამაშს და ის იმიტომ გაყავს მოედნიდან, რომ გამთამაშებელი მანქანა არ არის და იღლება ხოლმე.

მოურინიომ იცის, რომ კაკას მხარდაჭერა სჭირდება და სათამაშო დროსაც აძლევს, რიკარდო კი ბოლო მატჩებში ამართლებს იმედებს და მწვრთნელისგან საქებარ სიტყვებსაც იღებს. ჟოზეს ხელში, ბრაზილიელი უფრო გუნდური მოთამაშ გახდა, ვიდრე ადრე იყო. როდესაც ის მილანის ღირსებას იცავდა გუნდის ლიდერი იყო და შეტევაში ბრწყინვალედ გამოიყურებოდა, ახლა კი ხშირად ვხედავთ, როგორ ჩამოდის რიკი საკუთარ ნახევარზე და პარტნიორებს მეტოქისათვის ბურთის ართმევაში უწყობს ხელს, ხშირად შედის ორთბრძოლებში და გამარჯვებულიც რჩება ხოლმე.

მალაგასთნ მატჩის შემდეგ კაკა უკმაყოფილო იყო საკუთარი თამაშით, თუმცა გასული სეზონისგან განსხვავებით, ის გრძნობს, რომ გუნდს მისი დახმარება სჭირდება და მადრიდის რეალში მნიშვნელოვანი ადგილი უჭირავს.