ლონდონის ჩელსის ფორვარდმა, დიდიე დროგბამ განაცხადა, რომ მისი გუნდი ყველაფრისთვის მზადაა და არც "რეალთან" შეხვედრა იქნება დიდი პრობლემა...

"ესპანეთის დედაქალაქს უდიდესი ტრადიციების მქონე გუნდი ჰყავს, მადრიდის "რეალი" ყოველთვის ითვლებოდა მსოფლიოს ერთ-ერთ საუკეთესო გუნდად, ისინი ხშირად შეუდარებლები იყვნენ, იგივე შეიძლება ითქვას დღევანდელ სიტუაციაზეც. როდესაც გუნდის მთავარი მწვრთნელი ჟოზე გახლავთ, ეს კოლექტივი რა თქმა უნდა შეძლებს ტიტულების მოგებას და წარმატების მიღწევას, რადგან პორტუგალიელი დამრიგებელი უბრალოდ გენიალურია და ნებისმიერი გუნდისგან შეუძლია მოგებების მანქანის შექმნა."

"თუ სამეფო კლუბი შეგვხვდება, ნამდვილად არ იქნება დიდი პრობლემა, ჩვენ ბოლომდე ვიბრძოლებთ გამარჯვებისთვის და მომდევნო ეტაპზე გასვლისთვის, თუმცა გამიხარდება მოურინიოს ნახვა, რომელიც ჩემი მეგობარია, ჟოზეს დიდი ამაგი აქვს ყველა იმ გუნდში, რომელშიც უმუშავია, მათ შორის რა თქმა უნდა ჩელსიც უნდა მოვიაზროთ, თითოეულ მოთამაშეს, რომელიც ჩემთან ერთად ლონდონურ გუნდში თამაშობდა, ძალიან კარგად ახსოვს პორტუგალიელის უმნიშვნელოვანესი რჩევები და დარიგებები."