არიენ რობენი, რომელიც ამჟამად მიუხენის ბაიერნში ასპარეზობს, ჟურნალისტებს გაესაუბრა და განაცხადა, რომ ძალიან სურს მადრიდის "რეალთან" დაპირისპირება და "ბერნაბეუზე" დაბრუნება...

"დიდი სიამოვნებით ვითამაშებდი სამეფო კლუბის წინააღმდეგ. "ბერნაბეუზე" ყოველთვის მხურვალე სიტუაციაა, მადრიდელი გულშემატკივრები საკუთარ გუნდს მხარდაჭერას არ აკლებენ, მაგრამ ნამდვილად არ მეშინია, დიდი სიამოვნებით ვიასპარეზებდი "ბლანკოსის" სტადიონზე და მათ დამარცხებას შევეცდებოდი."

"ვფიქრობ, მიუნხენურ გიგანტს ნამდვილად აქვს იმის პოტენციალი, რომ ჩემპიონთა ლიგა მოიგოს. მთავარ ფავორიტებში ჩვენც გავდივართ, მიუხედავად იმისა, რომ კონკურენტები ისეთი გუნდები არიან, რომლებიც შიშის ზარს სცემენ მსოფლიოს. ყველაზე რთულ მეტოქედ მაინც "ჩელსი" მიმაჩნია, რადგან მათ გაურკვეველი სახის სათამაშო სტილი აქვთ."