მოსკოვის "ცეესკას" ორმა მნიშვნელოვანმა პირმა, სლუცკიმ და ალან ძაგოევმა პრესის წინაშე ისაუბრეს და დასახული მიზნები გაგვაცნეს. ალანის ინტერვიუ უკვე შემოგთავაზეთ, შემდეგი კი მოსკოველთა მწვრთნელია.

"ჩვენი შანსები მიზერულია, თუმცა ყველაფრისთვის ბრძოლას ბოლომდე ვაპირებთ. დასაკარგი არაფერი გვაქვს და ამას ყველა აცნობიერებს. ცხადია, მადრიდელები თამაშს აქტიურად დაიწყებენ და შეეცდებიან ჩვენ კარში რამდენიმე გოლის გატანას. გუნდის მიზანი კი ისაა, რომ ეს ყველაფერი არ მოხდეს".

"მოტივირებული "რეალის" შეჩერება ძალიან რთული ამოცანაა. ჩვენ გვაქვს მიზნები, რომლებსაც აუცილებლად უნდა მივაღწიოთ. არ ვამბობ, რომ ფავორიტი "ბლანკოსი" არაა, მაგრამ ჩემს გუნდს შანსი მაინც აქვს. ცხოვრებაში შეუძლებელი არაფერია და თუ პატარა სიურპრიზი შევთავაზეთ ესპანელებს, მაშინ ეს დამტკიცდება კიდეც".

"მადრიდელები მსოფლიოში ერთ–ერთი საუკეთესონი არიან, მაგრამ ბიჭებს ამის არ ეშინიათ. მოედანზე მხოლოდ და მხოლოდ წარმატების მიღებისთვის ვიშრომებთ".

ალან ძაგოევმა საკმაოდ საინტერესო რამ თქვა:"მატჩის შემდეგ დიდი სიამოვნებით გავუცვლიდი მაისურს კრიშტიანუ რონალდუს ან ჩაბი ალონსოს. ეს დიდი პატივი იქნება".

Realmadrid.com