"ლა ლიგის" ბოლო 15 მატჩში, რომელშიც ალვარო არბელოამ მონაწილეობა მიიღო, მადრიდის "რეალმა" ყველა მოიგო. ეს საუკეთესო შედეგი გახლავთ "რეალის" მოთამაშეებს შორის. ამ მხრივ მეორე ადგილს ხოსე მარია კალეხონი იკავებს 14 მოგებული შეხვედრით. როგორც იცით, 2011 წლის 10 დეკემბერს "რეალმა" უკანასკნელად დაკარგა ქულები "პრიმერაში", მაგრამ იმ მატჩში არბელოასა და კალეხონს მოედანზე გასვლა არ მოუწიათ. ბოლოს "ბლანკოსმა" "ბეტისს" სძლია და ამ მატჩის შემდგომ, მათ ყველა სხვა თანაგუნდელი ჩამოიტოვეს.