ემილიო ბუტრაგენიომ თავის ინტერვიუში განაცხადა, რომ ამჟამინდელი მადრიდის "რეალის" შემადგენლობა საუკეთესოა მთელს ისტორიაში.

"ეს საუკეთესო შემადგენლობა მთელ ისტორიაში. გუნდი თამაშობს საოცრად ლაღ, ლამაზ და ხარისხიან ფეხბურთს. "რეალი" გრძნობს ბურთს და შემდეგ ამის მოედანზე რეალიზებას ახერხებს".

"მადრიდულ გიგანტში ირჯება მსოფლიოს ორი საუკეთესო ფორვარდი, გონსალო იგუაინი და ქარიმ ბენზემა. ისინი ყოველთვის ავსებენ ერთმანეთს და შესაბამისად, "სამეფო" კლუბში არ დგას ცენტრალური ფორვარდის პრობლემა, რაც ძალიან საამაყოა. დღევანდელ შემადგენლობას ყველაფრის მოგება შეუძლია და ნებისმიერი ეტაპის, თუ სირთულის გადალახვა. რა თქმა უნდა, ეს ყველაფერი ჟოზე მოურინიოს მეშვეობით განხორციელდება".

შეგახსენებთ, რომ "თეთრები" კატალონიის "ბარსელონას" 10 ქულით უსწრებენ "ლა ლიგაში" და ფაქტიურად, მათ უკვე განიმტკიცეს ჩემპიონის ტიტული. ოთხშაბათს კი ესპანელები მოსკოველებს უმასპინძლებენ, სადაც ძნელი წარმოსადგენია, რომ რუსებმა რაიმეს დაპირისპირება შესძლონ "სამეფო" კლუბთან.

Goal.com