სამეფო კლუბის ვარსკვლავის მონაგარი პრიმერა დივიზიონში, უკვე 99 გოლს შეადგენს (!)

საერთო ჯამში, პორტუგალიელს თეთრი მაისურით 127 გოლი აქვს გატანილი.ამ მაჩვენებლით რონი გაუტოლდა იეროს და კლუბის ისტორიის საუკეთესო ბომბარდირების ცხრილში, მე-11 ადგილზე მოექცა.

კრიშტიანუ წლეულსაც შეუდარებელია.26-ე ტურის შემდეგ, უკვე 32 ბურთის ავტორია და რა თქმა უნდა, ამაზე გაჩერებას არ აპირებს.მისი მიზანია შარშანდელი რეკორდის გაუმჯობესება, რაც ლა ლიგაზე ერთ სეზონში 40-ზე მეტი გოლის გატანას გულისხმობს.აღსანიშნავია, რომ პრიმერას ბოლო ოთხ ტურში, რონალდუმ 8 გოლი ჩაიწერა.რასაკვირველია, ეს შედეგი შთამბეჭდავია, მაგრამ არასაუკეთესო რონისთვის (გასულ სეზონში 4 მატჩში 10 ბურთის გატანაც შეძლო).

ნიშანდობლივია, რომ "ბეტისი" იყო ის ერთადერთი გუნდი პრიმერა დივიზიონში, რომელსაც რონალდუს გოლი არ ჰქონდა გასინჯული.