ჩემპიონთა ლიგის მიმდინარე გათამაშებაში, "სამეფო" კლუბის მამოძრავებელმა ძალამ, ჩაბი ალონსომ უკვე დააგროვა 2 ყვითელი ბარათი, რის გამოც მას ფრთხილად ყოფნა მმართებს.

იმ შემთხვევაში, თუ ესპანელმა ნახევარმცველმა მოსკოველებთან განმეორებით მატჩში მიიღო ყვითელი ბარათი, მაშინ მას მოუწევს 1/4 ფინალის პირველი შეხვედრის გამოტოვება დისკვალიპიკაციის გამო, თუ რა თქმა უნდა, "თეთრებმა" შესძლეს შემდეგ ეტაპზე გასვლა. შეგახსენებთ, რომ ფეხბურთელი ყოველ 3 გაფრთხილებაზე 1 მატჩიან სასჯელს იღებს.

ნიშანდობლივია ისიც, რომ სხვა "ბლანკოსის" არცერთ ფეხბურთელს არ ემუქრება მსგავსი რამ. ამ მაჩვენებლითაც მადრიდის "რეალი" და კატალონიის "ბარსელონა" ლიდერობენ, ვინაიდან მათ შემადგენლობაში მხოლოდ თითო–თითოა ისეთი პიროვნება, რომელიც ხსენებული საშიშროების წინაშე დგას.

Goal.com