იმაზე ბევრ საუბარს აღარ დავიწყებ, თუ რა აჟიოტაჟია ატეხილი გონსალო იგუაინის შესაძლო ტრანსფერთან დაკავშირებით. ალბათ, ისიც იცით, რომ უკვე ალაპარაკდნენ კუნ აგუეროს "რეალში" გადასვლასთან დაკავშირებით. წინა კვირაში ამ თემაზე ევროპულ პრესაში ბევრი იწერებოდა. როგორც ჩანს, ყოველივე ამან მადრიდელი გულშემატკივარი გააღიზიანა. ჩატარდა სპეციალური გამოკითხვაც. გამოკითხულთა აბსოლიტური უმრავლესობა არ მიესალმება პიპიტას წასვლას. "ინჩასები" არც ამით დაკმაყოფილდნენ და "რაიო ვალეკანოსთან" მატჩში გონსალოს მხარდამჭერი ტრანსპარანტები გამოფინეს ტრიბუნებზე.