მოგეხსენებათ, 6 მარტს მადრიდის "რეალი" 110 წლის ხდება.საიუბილეო თარიღთან დაკავშირებით, მომდევნო თვეების განმავლობაში არაერთი ღონისძიება გაიმართება.

მათ შორის, ყველაზე მნიშვნელოვანია საჩოგბურთო თამაშის გამართვა "სანტიაგო ბერნაბეუზე," რომელშიც მონაწილეობს, მსოფლიოს მეორე ჩოგანი რაფა ნადალი და მესამე ჩოგანი როჯერ ფედერერი, მიიღებენ.აღნიშნული შეხვედრა 14 ივლისს შედგება (უიმბლდონის დამთავრების შემდეგ და ოლიმპიური თამაშების დაწყებამდე).

ნიშანდობლივია, რომ მადრიდის საშინაო საფეხბურთო არენა, ერთი დღით კორტად გადაიქეცევა.სწორედ მოედნის შუა ნაწილში მოხდება დიადი ჩოგბურთელების შერკინება.

რაც შეეხება თამაშზე დასასწრებ ბილეთებს, ძალიან იაფი ეღირება, რამეთუ ყველა მსურველმა შეძლოს თვალ-ყურის მიდევნება მისთვის.აქამდე უშუალოდ საფეხბურთო სტადიონზე გამართულ მატჩზე საუკეთესო დასწრება 35 681 იყო, (კიმ კლაისტერსისა და სერენა უილიამსის შეხვედრა ბელგიაში).ასევე, სასიხარულოა ისიც, რომ შემოსული თანხა მთლიანად ქველმოქმედებას მოხმარდება.

ცნობისათვის, ეს პირველი შემთხვევა არ არის, როდესაც "რეალი" საჩოგბურთო ტურნირის ორგანიზებას ახდენს.1996 წლის 6 იანვარს, მადრიდის ეგიდით გამართულ 4 კაციან ტურნირზე მონაწილეობას იღებდნენ: ლუნდკვისტი, პიეტრანგელი, ხოსე ლუის არილია და მანოლო სანტანა ("რეალის" მაისურით).საბოლოოდ, გამარჯვება სწორედ ამ უკანასკნელს დარჩა.