როგორც უკვე გაუწყეთ, ჟოზე მოურინიო ტრადიციული პრესკონფერენციის გამართვას აპირებდა, რაც უკვე დასრულებულ ფაზაშია. მან ისაუბრა მედიის მიერ დასმულ კითხვებზე და შესაბამისად, "რაიო ვალეკანოსთან" გასამართ მატჩზე.

"ხვალინდელ დღეს საკმაოდ კარგი ამინდია ნავარაუდები, რაც კარგი დაპირისპირების წინა პირობას ქმნის. "რაიო ვალეკანოს" სტადიონი საკმაოდ ნორმალურია და საბედნიეროდ, არა ისეთი, როგორიც ეს ბოლო მატჩში იყო. ორივე მხარე ბოლომდე იბროლებს, ვინაიდან ამის ყველა პირობაა შექმნილი".

"რასაკვირველია, რთულ შეხვედრას ველი. სახლშიც და გასვლაზეც შეტევაზე ვართ ორიენტირებულნი, თუმცა სტუმრად ამის კარგად რეალიზება საკმაოდ ძნელია. "რაიო" არის ამოუცნობი და ერთ–ერთი საუკეთესო გუნდი "პრიმერა დივიზიონში", ამაზე მათი სატურნირო მდგომარეობაც მიუთითებს. ვერავინ იფიქრებდა, რომ მეორე დივიზიონიდან გადმოსული გუნდი, "ლა ლიგის" ოთხეულს 2 ქულით ჩამორჩებოდა".

"ჩვენი მიზანი ყველა თამაშში სამი ქულის მოპოვება ან შემდეგ ეტაპზე გასვლაა და თანაქალაქელებთანაც ეს მიზანი გვექნება. ჩემი გუნდი ყოველთვის გამარჯვებისთვის იბრძოლებს, მითუმეტეს ახლა, როცა ჩემპიონობის კარგი შანსი გვეძლევა. ჩემთვის მთავარია გუნდის პრიორიტეტები, შემდეგ მეტოქე გუნდი და სხვა დანარჩენი".

"ალბათ ყველა დამეთანხმება, რომ მადრიდის "რეალი" ფენომენალურ ფორმაში იმყოფება. სამწუხაროდ, გუნდს დი მარია და ქარიმ ბენზემა დააკლდება. ცალსახაა, რომ არგენტინელი ხშირად იღებს დაზიანებებს, რაც მისდამი უხეშობის ბრალია. იგი ძალიან სწრაფი, ორიენტირებული და უცბად ფეთქებადი მოთამაშეა, ამ ყველაფერს კი მცველები თამაშის წესების დაცვით ვერ აჩერებენ. ცხადია, ფაბიანმა ბევრი შრომა უნდა გასწიოს იმისათვის, რომ ტრავმებმა აღარ შეაწუხოს".

"მე მინდა თითოეულმა ფეხბურთელმა ითამაშოს. არ აქვს მნიშვნელობა ეს იქნება ალბიოლი, მარსელო, თუ კეონტრაო. მთავარია ისინი ბედნიერები იყვნენ "სამეფო" კლუბში ასპარეზობით, ასევე ამით ქომაგებიც უნდა ხარობდნენ. დასანანია, რომ თავის დროზე "მენეჯერი" არ ვიყავი, რადგან მე არ მინდოდა რაული წასულიყო. ხელმძღვანელობისგან მივიღე კითხვა გაეშვათ, თუ არა ის? მე არა ვუპასუხე, მაგრამ..."

Realmadrid.com