გუშინ მოაგხსენებდით "მილანურ ოცნებებზე", დღეს კი ეს თემა გავაგრძელოთ, თუმცა რამდენადაა ეს ოცნება "როსონერისთვის", თავად განსაჯეთ. მაშ ასე, თვალი გადავავლოთ, თუ რას "ჯღაბნის" იტალიური პრესა...

მათი თქმით, გალიანი შეშფოთებულია "მილანის" დღევანდელი მდგომარეობით(რატომ უნდა იყოს შეშფოთებული, როცა "სერია ა"-ს ლიდერობენ და ლიგის მეოთხედფინალში პრაქტიკულად გასულები არიან - ავტ.). "როსონერის" მესვეურები ცდილობენ ნახევარდაცვა გააძლიერონ და ამისთვის მზად არიან გუნდის წამყვანი ფიგურა, ტიაგო სილვა დათმონ. ჟურნალისტები ირწმუნებიან, რომ იტალიელები უკვე აწარმოებენ "რეალთან" მოლაპარაკებებს და ზაფხულში ბრაზილიელი სწორედ მადრიდში გადაბარგდება. ეს კიდევ არაფერი, უფრო გასაკვირი მისი ფასია, თურმე ტიაგო 25 მილიონისა, ხედირასა და ლასანას სანაცვლოდ გადავა "რეალში". ცნობისთვის, სილვას შეძენით "ბარსელონა" გახლავთ დაინტერესებული...