მოგეხსენებათ, მადრიდის "რეალის" არგენტინელი ფორვარდის, გონსალო იგუაინის გადაბირებით რამდენიმე გუნდი ინტერესდება და ზაფხულის სატრანსფერო ფანჯრის დროს აქტიურობას გეგმავს...

გონსალოს ამ სეზონში ჟოზე იმდენად აღარ სწყალობს, რამდენადაც ადრე, რადგან კარიმ ბენზემა ბრწყინვალე ფორმაშია და თითქმის ყველა შეხვედრაში ახერხებს გოლის გატანას, იგი ძალიან პროდუქტიულ მოთამაშედ იქცა და პიპიტას იმდენად სერიოზული კონკურენცია გაუწია, რომ არგენტინელმა შემტევმა სათადარიგოთა სკამზე გადაინაცვლა.

იგუაინი ამ სეზონშიც ახერხებს თავის ხშირად გამოჩენას, მხოლოდ ლა ლიგაში მის ანგარიშზე 14 გოლია, მაგრამ არ წყდება ჭორების გავრცელება იმის შესახებ, რომ არგენტინელი ზაფხულში ექს მადრიდელი გახდება.

გავრცელებული ინფორმაციით არგენტინელი წინახაზელის შეძენით მილანის "ინტერიც" დაინტერესედა და ზაფხულის სატრანსფერო ფანჯრის დროს სერიოზული მოლაპარაკებების დაწყებას გეგმავს. არ სახელდება თანხის ოდენობა, რომელსაც იტალური გრანდი გაიღებს პიპიტას სანაცვლოდ, მაგრამ "ბლანკოსის" ხელმძღვანელობა, რომ ერთ-ერთ საუკეთესო შეგირდს პატარა ფასად არ შეელევა საყოველთაოდ ცნობილი ფაქტია.