რაულ ალბიოლს უდგას ცხოვრებაში საუკეთესო მომენტი – ის "რეალისა" და ესპანეთის ნაკრების უცვლელი წევრია.

მცველი გახარებულია ახალი სეზონით, მაგრამ იცის, რომ უფრო მეტი უნდა იმუშავოს გუნდმა, რათა მიაღწიონ მიზნებს.

"გუნდში მოსვლის შემდეგ ჩემი მიზანია გავხდე "რეალის" ისტორიაში ერთ–ერთი საუკეთესო მცველი. ასევე ვოცნებობ მოვიგო ჩემპიონთა ლიგა "სამეფო კლუბთან" ერთად და მსოფლიო ჩემპიონატი ესპანეთის ნაკრებთან ერთად" – აცხადებს ალბიოლი.

თავის კონკურენტებზე ესპანელმა მცველმა განაცხადა: "პეპე – კარგი პარტნიორი და დიდებული ფეხბურთელია, მაგრამ არ უნდა დავივიწყოთ გუნდის სხვა მცველებიც. ჩემთვის საამაყოა ვითამაშო გარაისა და მეტცელდერის გვერდით" – განაცხადა ალბიოლმა.


ინფორმაციის წყარო: Defensacentral.com