ლუკას მოურა ამჟამად "სან პაულოს" ღირსებას იცავს და კლუბის ერთ-ერთი წამყვანი ფიგურა გახლავთ. ბრაზილიელმა ნახევარმცველმა წინა სეზონში 9 გოლის გატანა მოახერხა და უნდა აღინიშნოს, რომ ყველა მათგანი ულამაზესი იყო. ამჟამად მოურას "პაულისტაზე" 3 გოლი დაუგროვდა. ახლაგაზრდა ფეხბურთელი უკვე ნაკრებშიც გამოიძახეს და იგი თითქმის ყველა მატჩში ღებულობს მონაწილეობას. აღსანიშნავია, რომ ლუკასს სამ პოზიციაზე თანაბრად შეუძლია თამაში.

El Confidencial-მა დღეს გაახმაურა, რომ ლუკასით ჟოზე მოურინიო დაინტერესდა და მისი დავალებით ფეხბურთელის აგენტსაც დაუკავშირდნენ. როგორც "სან პაულოს" მესვეურები აცხადებენ, ჯერ მათთან არავინ მისულა მოურას ტრანსფერთან დაკავშირებით. ბრაზილიელით "ჩელსი" და "ინტერიც" ინტერესდება და ორივე კლუბი მზადაა მასში 35 მილიონი გადაიხადონ, თუმცა ცნობილია, რომ მოურას ამჟამინდელი კლუბი მას 40 მილიონად აფასებს.