მაშ ასე, რაც ჟოზე მოურინიო "რეალს" უდგას სათავეში "ლა ლიგაში" გუნდმა 30 საშინაო შეხვედრა ჩაატარა, 26 მოიგო, ერთი ფრედ დაასრულა და სამში დამარცხდა. ცხადია, ეს გასაოცარი შედეგია, მაგრამ უფო გასაოცარი ბურთების შეფარდებაა. "მერენგებმა" ამ 30 შეხვედრაში 106 გოლის გატანა მოახერხეს და საკუთარ კარში მხოლოდ 27 მიიღეს. რა თქმა უნდა,სამეფო კლუბი ამ მხრივ საუკეთესოა "ლა ლიგაში". მეორე ადგილს "ბარსელონა" იკავებს. კატალონიელებმა "პრიმერას" ბოლო 30 საშინალო შეხვედრაში 91 გოლის გატანა მოახერხეს.

მადრიდელთაგან საუკეთესო გამტანი საშინაო არენაზე ცხადია კრიშტიანო რონალდო გახლავთ, პორტუგალიელმა 42-ჯერ გაახარა "ბერნაბეუზე" შეკრებილი პუბლიკა. კრიშტიანოს გარდა თავი გამოიჩინეს: ბენზემამ(21), იგუაინმა(12), დი მარიამ(5), კაკამ(5), ადებაიორმა(4), ოზილმა(4), კარვალიომ(3), რამოსმა(3), მარსელომ(2), კალეხონმა, პეპემ, ვარანიმ, ხოსელუმ და ერთიც ავტოგოლი გახლდათ...