როგორც მოგახსენეთ წინა სტატიაში, გონსალო იგუაინმა რვაჯერ იასპარეზა "რასინგის" წინააღმდეგ და ექვსი გოლის გატაანა მოახერხა. "რეალმა" ამ რვა შეხვედრიდან შვიდი მოიგო და ერთიც უგოლო ფრით დაასრულა. ახლა მოგახსენებთ უშუალოდ პიპიტას ასპარეზობაზე სანტანდერული კლუბის წინააღმდეგ და თავად განსაჯეთ თუ რას ნიშნავს ის "რეალისთვის"...

პირველად გონსალომ "რაინგის" წინააღმდეგ თავი 2007-2008 წლების სეზონში გამოიჩინა. "ლა ლიგის" 33-ე ტურში არგენტინელმა ანგარიში გახსნა და უდიდესი წვლილი შეიტანა გუნდის გამარჯვებაში, საბოლოოდ მატჩი 2-0 დასრულდა "რეალის" სასრგებლოდ. 2008-2009 წლების სეზონის 22-ე ტურში "ბლანკოსმა" სანტანდერულ კლუბს იგუაინის ერთადერთი გოლის წყალობით სძლია. იგივე განმეორდა 2009-2010 წლების სეზონშიც, მეთერთმეტე ტურში "რეალმა" კვლავ 1-0 იმარჯვა და გამარჯვების გოლი კვლავ პიპიტამ შეაგდო. ამავე სეზონში, განმეორებით მატჩში, სანტანდერში პიპიტამ ანგარიში გახნსა, ხოლო შემდგომ რონალდოს გაატანინა. ბოლოს კი, მან წინა სეზონში გამოიჩინა თავი, "ბერნაბეუზე", "რეალმა" 6-1 იმარჯვა და აქაც ანგარიში პიპიტამ გახსნა...

საერთო ჯამში, არგენტინელს მიმდინარე "ლა ლიგის" გათამაშებაში 14 გოლი აქვს გატანილი და ბომბარდირთა დავაში მესამე ადგილს ინაწილებს რადამელ ფალკაოსთან ერთად. იმედი ვიქონიოთ, რომ გონსალო მადრიდისტებს დღესაც გაგვახარებს, დაადუმებს კრიტიკოსებს და თემას მისი "რეალიდან" წასვლის შესახებ საბოლოოდ დახურავს...