მოგეხსენებათ, რიკარდო კარვალიო ტრავმის შემდეგ ვერა და ვერ ჩაადგა ფორმაში. პორტუგალიელი მოთამაშე უკვე ასაკშია და მისთვის ძირითადი შემადგენლობიდან ამოვარდნა უდიდეს პრობლემას წარმოადგენს...

პორტუგალიელმა ეს სეზონი ძირითადში თამაშით დაიწყო, მაგრამ დაზიანების მიღების შემდეგ მოედნის ცენტრში სერხიო რამოსმა გადაინაცვლა და კლეპერ პეპესთან ბრწყინვალე ტანდემი შექმნა, ესპანელი მოთამაშე უკვე რამდენიმე თვეა საკუთარ მარჯვენა ფლანგს არ უბრუნდება.

ამასთან ერთად აღსანიშნავია, რომ გუნდს ახალგაზრდა იმედის მომცემი მცველი, რაფაელ ვარანე ჰყავს, რომელსაც თამაშის საშუალება იშვიათად, მაგრამ მაინც ეძლევა. რაფაელმა ჟოზეს იმედები ყველა შეხვედრის დროს გაამართლა, იგი სტაბილურად და სწორად თამაშობს.

გავრცელებული ინფორმაციით რიკარდო კარვალიო ზაფხულის სატრანსფერო ფანჯრის დროს სამეფო კლუბს დატოვებს, რადგან მას ფაქტიურად შანსი აღარ აქვს, პორტუგალიელ მოთამაშეს ისეთი კონკურენტები ჰყავს, რომლებიც მასზე ბევრად ახალგაზრდებინ არიან.

ამასთან ერთად გავრცელდა ინფორმაცია, რომ კარვალიოს შეძენით რომის ლაციო არის დაინტერესებული და ზაფხულში მოლაპარაკებების წამოწყებას გეგმავს.