"სეგუნდაბ"-ს 24-ე ტურში "კასტილია" სტადიონ "ალფონსო პერესის კოლიზეუმს" ესტუმრება, სადაც "ხეტაფე ბ"-ს დაუპირისპირდება. ალბერტო ტორილის შეგირდები შესანიშნავ ხასიათზე ხვდებიან ხვალინდელ მატჩს. უკანასკნელად მათ "კორუხო" გაანადგურეს 6-0. აგრეთვე მადრიდისტები ცხრილის სათავეში საკმაოდ მყარად იმყოფებიან. 23 შეხვედრაში "კასტილიელებმა" 45-ჯერ შეძლეს მეტოქეთა კარის აღება. რაც შეეხება სტუმრად გამართულ შეხვედრებს, "მერენგებმა" 12-დან 7-ში გაიმარჯვეს.

ალბერტო ტორილმა ამ მატჩისთვის 16 ფეხბურთელს უხმო. არის დანაკლისიც, კასადო შეხვედრას დისკვალიპიკაციის გამო გამოტოვებს, ხოლო სამწვრთნელო შტაბის გადაწყვეტილების გამო განაცხადში ვერ მოხვდნენ: ომარი, რიოსი, ზამორა, მერჩანი, ლუკასი და ივანი.

ამ გუნდებს შორის პირველი წრის მატჩი "ალფრედო დი სტეფანოზე" "კასტილიელთა" გამარჯვებით - 4-0 დასრულდა. რაც შეეხება უშუალოდ "ალფონსო პერესის კოლიზეუმს", აღნიშნულ სტადიონზე ბოლოს გუნდები უგოლო ფრით გაეყარნენ. ბოლო ხანებია "ხეტაფე ბ"-ს ფეხბურთელები ბრწყინვალედ ასპარეზობენ, მათ უკანაკსნელ ოთხ მატჩში მოახერხეს გამარჯვების მოპოვება და ცხრილშიც საგრძნობლად წაიწიეს წინ. ამჟამად ისინი მეშვიდე პოზიციას იკავებენ 35 ქულით.