ჟოზე მოურინიომ "ლევანტესთან" შეხვედრის წინ პრესკონფერენცია გამართა.

"ჩვენი კალენდარი თებერვალში უფრო რთულია, ვიდრე ოპონენტების.პირველად "ლევანტეს" დავუპირისპირდებით, რომელიც მეოთხეა სატურნირო ცხრილში, შემდეგ გათამაშების სიურპრიზს, "რაიო ვალეკანოს," ხოლო მარტში "ესპანიოლს."კატალონიელები ფანტასტიურ ფეხბურთს აჩვენებენ და ამის წყალობით ცდილობენ ევროსაგზურის მოპოვებას.აღნიშნული მატჩები ძალიან რთული იქნება."

"რასაკვირველია, "ღამურების" წინააღმდეგ ადვილი გასეირნება არ გველოდება.ისინი შესანიშნავად გამოიყურებიან.ვფიქრობ, პირველ წრეში გამართულ შეხვედრაში, ვალენსიელები ნამდვილად იმსახურებდნენ 3 ქულას.ამ მომენტისათვის, გუნდი მეოთხე პოზიციაზეა და თუ ასე მორჩა სეზონი, ნამდვილად სამართლიანი იქნება, რამეთუ მწვრთნელები და ფეხბურთელები დიდ სამუშაოს ასრულებენ."

"ჩვენი სტილიდან გამომდინარე, ბიჭებმა დაცვაში უნდა ითამაშონ კარგად.ვფიქრობ, ადრე ფორვარდები ნაკლებად იწუხებდნენ თავს საკუთარ საჯარიმოში ჩამოსვლით, მაგრამ ახლა ყველაფერი შეიცვალა.ამის ნათელი მაგალითები, რონალდუ, ბენზემა და იგუაინი, არიან."

"შაჰინის მდგომარეობა უმჯობესდება.მომავალ მატჩში ის სათადარიგოზე იქნება და მხოლოდ თამაში და ჩემი საჭიროება გვაჩვენებს, გამოვა თუ არა ნური მოედანზე."

"კასილიასმა, ისევე როგორც ნადალმა 500-ზე მეტი დოპინგ ტესტი ჩაიტარა."

"ყურადღებას არ ვაქცევ ჭორებს, რომელიც მომავალ სეზონში ჩემს "რეალში" დარჩენას კითხვის ნიშნის ქვეშ აყენებენ.ვინც ამას გეუბნებათ, იმას კითხეთ ამის შესახებ."

"ვერაფერს ვუზამ Eladio Parames-ს, რომელსაც "თვითერში" ჩემი სახელით აქვს შექმნილი პროფილი.მინდა გინთხრათ, რომ სოციალური ქსელებით არ ვსარგებლობ, გამომდინარე იქედან, რომ უკვე "მოხუცი" ვარ მაგისთვის.თითოეული ანგარიში, რომელსაც მოურინიო აწერია, სიმართლეს არ შეესაბამება."