მადრიდის "რეალის" აკადემიის აღზრდილი, ხოსე კალეხონი დღეს 25 წლის გახდა...

კალეხონი 1987 წლის 11 თებერვალს, ქალაქ გრანადაში დაიბადა.

ხოსე "რეალში" წინა ზაფხულის სატრანსფერო ფანჯრის დროს გადმოვიდა. იგი სამეფო კლუბის აკადემიის აღზრდილია. ძალიან ახალგაზრდა ასაკის გამო, მან ძირითად გუნდში ფეხი ვერ მოიკიდა და ესპანიოლში გადაბარგდა, სადაც მისი პროგრესი აშკარა და თვალნათლივი იყო, რაც ჟოზე მოურინიოს არ გამორჩენია და იგი თეთრებს დაუბრუნა.

ამ ხნის მანძილზე კალეხონმა უკვე 11 გოლს მოუყარა თავი. მიუხედავად იმისა, რომ იგი შემადგენლობის რეგულარული წევრი არ არის, ესპანეთში ერთ-ერთ ყველაზე შედეგიან მოთამაშედ ითვლება.