გამოკითხულთა 98% თვლის, რომ ეს ტრანსფერი "რეალს" არ დააზარალებს. 1% ფიქრობს, რომ ფეხბურთელს დიდი ფასი ადევს(40 მილიონი) და მასში ამხელა თანხის გადაყრა არ ღირს, ხოლო ამავე რაოდენობის ადამიანი ვალეროს "რეალში" გადასვლას მხოლოდ უკიდურეს შემთხვევაში მიესალმება. როგორც ხედავთ, მადრიდში ბორხას გადმოსვლას ბევრი მომხრე ჰყავს...

შეგახსენებთ, რომ ბორხა ვალერო მადრიდის "რეალის" აღზრდილია. იგი 2005-2007 წლებში "კასტილიას" ღირსებას იცავდა. ესპანელმა საყრდენმა სულ 76 შეხვედრა ჩაატარა და 4 გოლის გატანაც მოახერხა, თუმცა მსგავსად სხვა კანტერანოებისა, მასაც მოუწია სამეფო კლუბის დატოვება. ვალერომ გეზი ნისლიანი ალბიონისკენ აიღო, კერძოდ "ვესტ ბრომვიჩში" გადაბარგდა. შემდეგ "მალიორკაში" იასპარეზა და 2011 წელს თავი "ვილეარეალში" ამოჰყო...