დიდი ხანი არ გასულა მას შემდეგ, რაც 2012 წელი დადგა. მადრიდის "რეალმა" გასული დროის მანძილზე, 5 შეხვედრა გამართა და ხუთივე გამარჯვებით დაასრულა. ანალოგიური მატჩების რაოდენობა, ყველა "პრიმერა დივიზიონის" გუნდს დაუგროვდა და შესაბამისად, კატალონიის "ბარსელონასაც", თუმცა ამ უკანასკნელმა მხოლოდ და მხოლოდ 3 შეხვედრა მოიგო, ხოლო 2 ფრედ დაამთავრა.

ქულების რაოდენობის მსგავსად, "ლოს ბლანკოსი" უხვგოლიანობითაც პირველია. მადრიდელებმა წელს 15 გოლი გაიტანეს და მხოლოდ 4 გაუშვეს. ამის გათვალისწინებით, დედაქალაქელების ბურთების შეფარდებაა +11.