როგორც "მარკა" იუწყება, გასული წლის ბოლოს, ფლორენტინო პერესი სამეფო კლუბის პირველ და მეორე კაპიტანს შეხვდა.

შეხვედრა არცთუ ისე დიდხანს გაგრძელდა, მაგრამ მთავარი საკითხი, რომელიც განიხილეს, გახლდათ პრემიები, რომლებსაც მოთამაშეები ტიტულების მოგების შემთხვევაში მიიღებენ.კულუარებიდან აგვრცელებული ინფორმაციის თანახმად, დონ პერესს აღუნიშნავს, რომ მსოფლიო ეკონომიკური კრიზიზის გამო, შესაძლებელია მოთამაშეების "ჯამაგირი" არცთუ ისე დიდი იყოს.

მოკლედ, სეზონის ბოლოს რამოხდება ვერ გეტყვით, მაგრამ "მარკას" თქმით, პრიმერა დივიზიონის თასზე თითოეული მადრიდელი 300 ათას ევროს მიიღებს, ხოლო ჩემპიონთა ლიგაზე 350 ათასს."დუბლის" შემთხვევაში, ალბათ ეს თანხები უფრი გაიზრდება, გამომდინარე იქედან, რომ უეფა 50 მილიონს გადმორიცხავს "თეთრ" ბიუჯეტში (თუ ლიგაზე პირველები ვიქნებით).

რაც შეეხება ევროპის ყველაზე პრესტიჟული საკლუბო ტურნირის შარშანდელ გათამაშებას, იქ თანხები შემდეგნაირად გადანაწილდა: "მანჩესტერი" - 53 მილიონი ევრო, "ბარსელონა" - 51 მლნ, "ჩელსი" - 44.5, "რეალი" და "შალკე" - 39-39 მლნ. ევრო.

ცნობისთვის, სეგუნდა ბ-ში გადმოსვლის შემთხვევაში, "რეალ მადრიდ ბ" ფლორენტინოსგან 1 მილიონს მიიღებს საჩუქრად.