რაულ ალბიოლის მომავალი მადრიდის რეალში კითხვის ნიშნის ქვეშ დგას და ამას თავად ფეხბურთელიც ხვდება. ბოლო გუნდი, რომელსაც ესპანელი მცველის შეძენა სურდა ტურინის იუვენტუსი იყო, თუმცა მას მისი იჯარით აყვანა სურდა, რაზეც სამეფო კლუბი არ დათანხმდა.

ახლა კი გავრცელდა ინფორმაცია, რომ მადრიდელთა 18-იანის სამსახურით მანჩესტერ სიტი არის დაინტერესებული, რომელსაც გარკვეული პრობლემები აქვს დაცვის ცენტრში. თავად ალბიოლი კი მოურინიოსათვის ბოლო არჩევანს წარმოადგენს. რაულმა ბოლოს 3 იანვარს ითამაშა, 18 წლის რაფაელ ვარანსაც კი უფრო მეტ სათამაშო დროს აძლევს პორტუგალიელი მწვრთნელი. ფეხბურთელი სავარაუდოდ ინგლისში ევროპის ჩემპიონატის დასრულების შემდეგ გადავა.