სანტიაგო ბერნაბეუზე დამონტაჟდება საჰაერო ინტერნეტი (WiFi), რომელიც 500 წერტილში დაიდგმება და მთელ სტადიონს დაფარავს.

ამ სერვისით მატჩზე მოსული გულშემატკივრებუ უფასოდ ისარგებლებენ და რაც მთავარია გაეცნობიან ინფორმაციას სხვა მატჩებთან დაკავშირებით, როგორც ლეპტოპებით და iPad-ებით, ასევე მობილური ტელეფონებით. ალბათ ხშირად გინახავთ კადრი, როგორ ელოდებიან მობილური ტელეფონის ზარს მადრიდისტები, როდესაც პარალელურ რეჟიმში მიმდინარეობს კატალონიის ბარსელონას ან სხვა კონკურენტის მატჩი. მალე ეს კადრები წარსულს ჩაბარდება და ისინი უფრო მარტივად, სწრაფად და რაც მთავარია, უფასოდ შეიტყობენ ნებისმიერი სახის ინფორმაციას.

ამ პროექტს კომპანია "Tecnocom" განახორციელებს. სულ რაღაც რვა თვის შემდეგ ბერნაბეუ მსოფლიოს საერთაშორისო ქსელში ჩაერთვება, მადრიდის რეალის ხელმძღვანელობას კი ეს ყველაფერი 1.7 მილიონი ევრო დაუჯდება.